Irakurketa erak

Irakurri modu askotan irakur dezakegu, banaka, boz goraz, bikoteka, talde homogeneotan, talde heterogeneotan, hezkuntza komunitatekoekin batera tertulietan, elkarreragina bultzatuz….

Irakaslearen aldetik modelatzeak berebiziko garrantzia hartzen du irakurriaren ulermena garatzen laguntzeko. Era honetan, irakasleak iarkurketa prozesuan parte hartzeko aukera du eta ikasleei irakurketa prozesuan hobetzeko behar dituzten estrategiak eskain diezazkieke.

Irakurketa fonetikoa

Irakurketa fonetikoaren helburua hitzen ahoskera eta akats fonetikoak balioestea eta zuzentzea da.
Hori behar bezala gauzatzeko, ozen irakurri behar da, irakasleak edo tutoreak irakurlearen ahoskera hobetzen lagun dezan.

Ereduzko irakurketa

Ereduzko irakurketan, irakasleak ozen irakurriko ditu testu batzuk, ikasleek irakurketa-prozesuan egiten diren doikuntzak eta erritmoa ikas ditzaten.

Irakurketa gidatua

Aurreko irakurketa moduaren antzera, irakasleak ikasleei galderak egiten dizkie testua irakurri bitartean, interpretazioak eta iragarpenak egitera animatzeko eta ulermen arazoak gainditzen laguntzeko.

Irakurketa iruzkindua

Irakurketa bat egin ondoren (banaka edo taldean), iruzkinak egiten dira taldean.
Irakurketa modu hau irakurketa-klubetan ere ohikoena izaten da.

Irakurketa independentea

Testu edo liburu bat bakarka irakurtzeko zeregina da.

Irakurketa modu hau, nahiz eta ahopeka egin ohi den, boz gora edo irakurketa ozena erabiliz ere egin daiteke.

Egokitua. Euskal Hezkuntza Sistemarako Irakurketa Estrategia 2024-2027

Sakontzeko:

Tutoría entre iguales, la diversidad en positivo

Aula de Innovación aldizkariko monografikoa Berdinen Arteko Tutoretzako programen eta tekniken inguruan.

Ikusi baliabidea

Influencia de la tutoría entre iguales en el desarrollo de la comprensión y el autoconcepto lector

Leemos en pareja programan oinarritutako ikerketa honek ulermena eta auto-kontzeptuaren arloan ikasleek egindako aurrerapenak aztertzen ditu.

Ikusi baliabidea

Euskaraz irakurtzen ikasi irakurriz euskara ikasteko

Irakurle trebeak entzun egiten du testua dioen gogoetarako artikulua. Ondorioz, ikasgelan tartea egin beharko zaie irakurtzeko bi modu horiei: isilari eta ozenari.

Ikusi baliabidea