Kontzientzia fonologikoa
Kontzientzia fonologikoa trebetasun metalinguistiko bat da, hitz bat osatzen duten silabak eta fonemak identifikatzeko eta manipulatzeko aukera ematen duena. Unitate fonologikoen arabera hiru mota bereizten dira: kontzientzia lexikoa, kontzientzia silabikoa eta fonemaren kontzientzia.
| Etapa | Maila | Adina | Ardatza | Irakurketaren estadioak | Berariazko trebetasunak |
|
Haur Hezkuntza | 3 | 3 |
Irakurtzen ikasi |
1.Izendapenaren abiadura
2.Kontzientzia fonologikoa |
Kontzientzia lexikoa Kontzientzia silabikoa Kontzientzia fonemikoa |
| 4 | 4 | ||||
| 5 | 5 |
Kontzientzia lexikoa, esaldia osatzen duten hitzak identifikatzeko eta nahita manipulatzeko trebetasuna.
Kontzientzia silabikoa, hitza osatzen duten silabak hitz batean ezagutzeko eta manipulatzeko trebetasuna.
Kontzientzia fonemikoa, fonemak — hitzak osatzeko konbinatzen diren soinuen unitate txikienak — entzuteko, identifikatzeko eta manipulatzeko trebetasuna.
Lehenik kontzientzia lexikoa lantzen da, hau da, esaldi batek dituen hitz-zenbakiak bereiztean datza, gero hitz bat osatzen duten silaben bereizketekin jarraituko da; eta, azkenik, soinuen unitate txikienak, hots, fonemak landuko dira.
Sakontzeko:
- HARANBURU ,M. et al. Kontzientzia fonologikoa lantzeko programa. Donostia: Erein, 2008.
- VALLÉS, A. Conciencia Fonológica. Valentzia: Promolibro, 2008.
- NAFARROAKO HEZKUNTZA BEREZIKO BALIABIDE ZENTROA. NHBBZ. Materiales para trabajar las habilidades fonológicas . Iruñea: Nafarroako Hezkuntza Bereziko Baliabide Zentroa.
- JIMÉNEZ GONZÁLEZ, J. eta ORTIZ GONZÁLEZ, R. Conciencia fonológica y aprendizaje de la lectura: teoría, evaluación e intervención .Madril.: Síntesis, 1994.
Gehiago jakiteko:
Metodología para la adquisición de una correcta conciencia fonológica
Artikulu honek kontzientzia fonologikoa nola landu laburbiltzen du eta lanerako jarraibideak ematen ditu.
Test para la detección temprana de las dificultades en el aprendizaje de la lectura y escritura
Dislexiaren diagnostiko goiztiarra egiteko froga, prozesamendu fonologikoarekin lotutako gabezietan oinarritua; lau urteko haurrekin aplika daiteke.
Fonemak kontzientzia fonologikoaren bidez lantzen
Irakurketa-idazketa kontzientzia fonologikoaren bidez lantzeko materiala.
Conciencia fonémica: vocales
Kontzientzia fonologikoaren garapena laguntzeko bi aurkezpen interaktibo. Haur Hezkuntza.
Conciencia fonológica
Komunikazio handigarriari eta alternatiboari buruzko Aragoiko Gobernuaren atariak behar bereziren bat duten ikasleen komunikazioa errazten duten piktogramak, irudiak, materialak eta softwareak biltzen ditu. “Materiales” atalean, kontzientzia fonologikoa lantzeko gune bat dago.
Kataluga 2.0
Grafema-fonemak, silabak, hitzak eta esaldiak erabiliz kontzientzia fonologikoa lantzeko ariketa metalinguistikoak.
PC-an deskargatu daitezke.
Katamotz hitzak
Grafema-fonemak, silabak, hitzak eta esaldiak erabiliz kontzientzia fonologikoa lantzeko ariketa metalinguistikoak. Tableta eta mugikorrerako aplikazioak.