Irakurketa funtsezkoa da garapen hezigarri, pertsonal eta emozionalean. Hala ere, hainbat ikasleren irakurtzeko trebetasunak ez dira egokiak autonomiaz lan egiteko. Horregatik, beharrezkoa da ideia garrantzitsu batzuk aintzat hartzea:

• Irakurketak eta idazketak, jabekuntza prozesuak diren neurrian, denbora behar dute eta kontuan hartu behar dira beste era bateko gaitasunak, zailtasunak, erritmoak, egoera pertsonalak dituzten ikasleak  (irakurtzeko edo idazteko zailtasun espezifikoak, gaitasun handiak, eskolatze sisteman berandu sartu diren ikasleak…)

• Ikastetxeak planteamendu pedagogikoa behar du, irakurketa  lantzeko eta ikasleen aniztasunari erantzuna emateko. 

• Behaketa eta jarraipen sistematikoak beharrezkoak dira eta beraiek bideratuko dute esku-hartze hezigarria. Irakurtzeko konpetentziaren garapenari lotutako zailtasunak goiz detektatzeko eta irakaskuntza-ikaskuntza egoeretan ikasleen askotariko beharrei (ikasle etorkinak, dislexia eta antzeko zailtasun espezifikoak dituzten ikasleak...) erantzuteko prozedurak eta tresnak behar dira. 

Jatorri neurobiologikoa duen berariazko hezkuntza-laguntza premia: dislexia.“Ondorioak edo albo-ondorioak ulermen-arazoak eta inprimatutako lengoaiarekiko esperientzia eskasa dira, eta horrek lexikoaren eta ezagutza orokorraren garapena oztopatzen du. Oinarrizko Hezkuntzan eta ondoren hainbat modutan agertzen da eta askotariko esku-hartze eta egokitzapen beharrak sortzen ditu”.*

Aniztasunari erantzuna emateak lan sistematiko eta antolatuaren bitartez ekarriko du irakurtzeko zailtasunak aurreikustea eta, hein handi batean, haiek leundu eta konpentsatzea, ikasle guztiek arrakasta akademikoa lortze aldera.

*Lyon,Shaywitzy Shaywitzy, 2003, 2.or.